三家村釣魚

今日係星期日，諗住過吓釣魚癮，去咗鯉魚門探路。

由三家村避風塘一直行入去，經過海鮮檔，到咗天后廟，由於前面有狗攔路，加上蕉小姐身體不適，唯有折返三家村碼頭。

送走蕉之後，一個人去三家村碼頭釣魚。約下晝四點終，在場所見有十幾人釣魚，非常熱鬧。係開竿時，聽到隔離釣友話今朝有人放生魚，所以今日有大魚釣咁話。我不以為然，始終以放生魚為目標魚總覺得有點不妥．．．

投咗幾次，發現個場唔多石，似沙低，但近岸多魚網／鐵籠，我粗糙估計我比同一個鐵籠掛咗五次，但就係o固個位有幾次大咬，可惜時機把握唔到，最終打龜收場。

約五點幾，離我十米左右的魚友用手絲上咗條黃立倉，約25cm，唔肯定係咪放生魚。黃立倉之後就再見唔到有其他人有上魚，望一望天文台，原來差不多轉流，可能位置唔就，所以靜晒，得返泥鯭。太陽落山後，連泥鯭都走埋，約7點半執野走人。

總括而言，三家村碼頭算係唔錯嘅釣點，水質都ok，日頭都有大魚（唔知同放生魚有冇關），不過近岸水淺，我諗最多７、８尺，而且近岸易掛底，最好投出些少。另外，唔知係咪錯覺，離岸廿尺左右好似有跌級，投出去應該唔錯。

大廟釣魚

今日約咗幾個中學同學仔去釣魚，因為大家都住將軍澳，所以揀去大廟釣魚。

去到嘅時候先知道今日掛一號風球，唔怪得呢兩日咁悶熱。不過聽人講打風前後特別多魚釣，所以對今日都有ｄ期待！

行到落碼頭見人拎住條有三斤重的星鱸！嘩！唔通真係咁好魚，拿拿聲set野釣魚！點知望下個海，唔對路喎，做乜有增油係海面，實係出面ｄ遊艇污染，經水流流埋黎，仲聞到陣機油味，破壞晒個環境。

開竿釣咗一陣，唔妥喎，連泥鯭都唔開口，唔好講話其他魚，真係第一次遇到，我諗同海面嘅油污有關。我睇過釣魚書話，ｄ魚生唔生猛，肯唔肯開口食餌，影響最大係水嘅含氧量，可能層油令氧氣融唔到入水，唔夠氧氣所以ｄ魚唔開口。

過咗一個鐘左右，見個天有黑雲，又開始起風，上天文台睇睇，原來有舊雨雲飄梗過黎，睇黎都幾大雨，我地眼見海面冇乜魚，又準備落雨，所以決定執野暫時避雨。

過咗半個鐘左右，舊雨雲落到黎，都幾大雨。我地係天后廟避雨吹水，半個鐘左右雨就落完，由於進入黃昏的黃金時間，決定再戰大海！

最後係碼頭右邊釣到一條九棍（係後來上網查先知），都幾好力水，總算唔駛「打龜」！

條魚結果攞嚟蒸，都幾鮮甜喎！不過好多骨，網上話最好用黎打魚旦，因為清蒸太多骨。

將軍澳堆填區

今天整理電腦的file時，發現一篇之前寫關於將軍澳堆填區的記事，反正放在電腦中也沒有用，不如post在這裡分享一下。

======

先申報利益，本人住在將軍澳，眼見愈來愈多人對將軍澳嗅味討論，小弟今日索性踩單車入將軍澳工業邨，實地感受一下。
由環保大道出發，經過清水灣半島之後，就是將軍澳堆填地第一期。將軍澳最初與垃圾扯上關係好可能就是與這堆填區有關。就現場所見，如果沒有人說底下是垃圾，這裡確實如誠哥所講「綠油油、心曠神怡」，畢竟這堆填區已在1995年關閉，與嗅味應該沒有關係。雖然是一大遍臨海平地（比日出康城面積還要大），應該有很高的經濟價值，但就好像是被垃圾咀咒一樣，以現時的技術，堆填區上是不能承受大型建築物，即是不能發展成住宅，唯有暫時空置。最近政府計劃興建足球訓練學校。無論最終計劃如何，­­「綠油油、心曠神怡」應該可以維持一段長時間。

另外，聽說堆填區上的草是外國進口的，所以看起來跟郊外常見的雜草更青綠，更有附近居民話春天時整個山頭會開滿小黃花，隨風搖擺，驚嘆香港還有這樣美麗的地方，更不會想像底下就是垃圾。
雖則已關閉，但這裡始終是堆填區，會一直產生堆填氣，最礙眼莫過於這座位於首都以北數百米的建築物，似乎是為儲存／處理堆填氣體之用，據環保處資料(http://www.epd.gov.hk/epd/tc_chi/environmentinhk/waste/prob_solutions/msw_lgu.html)，將軍澳第一期堆填區收集到的每小時674平方米堆填氣體中，只有24平方米能夠應用，其餘究竟怎樣處理？應該不會直接排出吧．．．
沿環保大道向前走，就是將軍澳堆填區第二、三期，附近亦有堆填氣體處理的設施。除堆填氣體，另一個問題就是滲濾污水（俗稱「垃圾汁」），這些垃圾汁非常之毒，流入泥土、海水必將做成生態災難。理論上堆填區最底及頂層都以防漏物料隔開泥土及垃圾，但不能保證完全防漏，而且防漏物料亦有可能老化，阻隔性變差。所以有相當規模的堆填區附近必須附設污水處理設施，將垃圾汁處理。污水處理所需的電力，很多時都靠堆填氣體產生，非常「環保」。但污水處理會否有嗅味？當時聞唔到，但如果日日屋企對住可能不太好受。
再向前走，終於到達嗅味來源：新界東南堆填區。老實講，來到入口的地方，真的非常之嗅，一架一架垃圾車駛出駛入，陣味真係好難頂，上空仲有好多雀鳥搵食。沿途每隔幾十米就有一技噴白煙的風扇，可能有除嗅、消毒作用。來到這個區域，感覺真的很差，當然現階段這環境是不能住人的，但就在不遠處就座落全港最大規模的環保城市，確實是「開荒牛」。
再向前走就是137區，即是填料區，普通人不能進入。
後記：最多人關心的嗅味問題，其實我由首都附近已經聞到垃圾味，但就分唔清究竟是堆填區的嗅味還是路上垃圾車的嗅味。值得一提，這條環保大道的確相當「環保」，因路上有超過一半車輛都是泥頭車和垃圾車，駛過身旁有點塵土飛揚的感覺，最嘔心是「吸屎車」，條水喉fing fing下，間中有咖啡色液體流在地上，發出陣陣異味，加上垃圾車跌在路上的「物品」，這環保大道都幾污漕。

改變

最近發現，原來愈來愈少人寫blog了，大家都轉行玩Facebook。無可否認，FB係比blog更快更直接同人分享自己感受的途徑，但現今世代人人都追求即食，很少去思考，想到什麼就寫什麼，有欠內容；還而寫blog需要坐下來，靜靜地想自己的想法，組織過後再表達出來，比感像樣。當然，寫的那人有心機，也要看的那個有心情才可以。

之前說過最近生活上有些改變，因為這兩個月來經歷了辭職、失業及新工作，大起大落，現在總算穏定下來，新工作做MPF，既熟悉又陌生，工作文化和之前有些分別，但應該不難適應，加上同事個個都很nice，工作氣氛都幾好。雖然各方面看似很順利，但畢竟返工不夠三個星期，可能會有很多變數，還是不要太樂觀，見步行步，見招拆招！

灣仔釣魚

很久沒有post這個blog了，正好最近生活有些轉變，所以賞試重新開始寫blog！

最近沉迷釣魚，上星期一個人去灣仔釣魚。

去到會展隔離的碼頭，真的超級多自由神，釣魚人都不少。今天最大的收獲係第一次比泥鯭拮中手指，真係好痛，成隻手痺晒，好彩係泥鯭仔，如果再大條ｄ就麻煩。

係大量泥鯭食餌嘅情況下，釣到一條立仔（唔知咩立）。同場加影一條小雞泡，釣上黎聽到佢深呼吸，然後變大．．．

PS: 所有泥鯭同雞泡都放生

四川地震捐款

身為中國人，請出一分力，幫助四川災民。
將款項傳入匯豐戶口，匯豐銀行會捐出相等數目金額。
Click here

youtube stars

South Park
http://www.youtube.com/watch?v=wQXDhnpS7oY

尋日睇youtube見到有段South Park, 講youtube名星, 由於唔係全部都記得係邊個, 所以花左少少時間搵晒出黎!!

"Chocolate Rain" Original Song by Tay Zonday
http://www.youtube.com/watch?v=EwTZ2xpQwpA&feature=related

Tron Guy
http://www.youtube.com/watch?v=3609OtM138c

Numa Numa
http://www.youtube.com/watch?v=60og9gwKh1o

Star Wars Kid
http://www.youtube.com/watch?v=HPPj6viIBmU

Sneezing Panda
http://www.youtube.com/watch?v=FzRH3iTQPrk

Dramatic Look
http://www.youtube.com/watch?v=y8Kyi0WNg40&feature=related

Laugh Baby
http://www.youtube.com/watch?v=5P6UU6m3cqk&feature=related

Chris Crocker - LEAVE BRITNEY ALONE!
http://www.youtube.com/watch?v=kHmvkRoEowc&feature=related

afro ninja
http://www.youtube.com/watch?v=BEtIoGQxqQs&feature=related