Tuesday, November 20, 2007
過山車
最近股市大起大落，但因為要準備考試，所以未能分析升跌箇中原因，似乎錯失了很多學習的機會，而且也沒有空閒在這裡出post，觀點是有的，但懶得組織成文。等考完試將會重新投入股市懷抱，再部署08年策略！
Monday, November 12, 2007
插水
嘩！勁呀！
今日跌千幾點，睇番我個portfolio，同31/10比唔見左$34,000！心血少ｄ都唔掂！不過說實在的，31/10的價錢其實非常不理性，跌幾千點在所難免，就算係而家，我都覺得未跌夠．．．但又怕錯過機會，所以最後都係買左一手。
之後升定跌都冇所謂，如果佢再跌我會再買，如果升咪開心囉。
今日跌千幾點，睇番我個portfolio，同31/10比唔見左$34,000！心血少ｄ都唔掂！不過說實在的，31/10的價錢其實非常不理性，跌幾千點在所難免，就算係而家，我都覺得未跌夠．．．但又怕錯過機會，所以最後都係買左一手。
之後升定跌都冇所謂，如果佢再跌我會再買，如果升咪開心囉。
Friday, November 9, 2007
惠理集團Value Partner(806)
一定會抽，但媽唔媽好呢？散戶意見一半一半，但國際配售反應唔錯，而且有平保(2318)入股，仲會做策略性投資者，好似唔錯！
睇埋星期一情況先決定。
有趣資料：惠理集團僱員78人，06年薪酬及福利開支為358,095,000，即平均每僱員每年開支4,590,962，假設剩薪酬佔90%，即平均月薪344,322，西利！
．．．續
Saturday, November 3, 2007
會噴水的噴水池
話說有一日，Ｋ先生如常出外工作。當Ｋ先生見完客人Ａ之後，發覺仲有成個鐘先要見客人Ｂ，於是Ｋ先生就周圍行，ZIP下時間。
當行左一陣，Ｋ先生見有Ｄ攰，諗住搵個地方坐低休息下，點知行咗好耐都搵唔到地方，終於俾佢係一個商場門口見到個噴水池可以暫時落腳。呢個噴水池真係奇怪，雖然冇水噴出黎，但池低仲有少少水，Ｋ先生以為呢個噴水池未起好，而且見隔離有個女人坐咗係到睇報紙，覺得唔會有咩問題，於是就坐低咗啦！（有不祥之兆．．．）
坐低嘅時候覺得奇怪，點解圍住池邊有條咁闊嘅坑渠嘅，好似預咗會好多水咁，而且坑渠入面仲有少少水流，當時又冇落雨，正常坑渠入面應該唔會有水流，FINE，Ｋ先生覺得有冇水流都唔關佢事。（事後先知原來有太多疑點叫Ｋ先生唔好坐係o固到．．．）
過咗一陣，當Ｋ先生好專心咁玩電話嘅時候，突然聽到噴水也發出"BOO”一聲，Ｋ先生回頭一望，原來呢個噴水池係會噴水！不過只係噴到好低，Ｋ先生仲好「醒目」咁坐開少少，心諗就算佢點噴都冇可能噴到落佢到啦，咁Ｋ先生就繼續禁電話啦。
正當集中精神望住個電話嘅時候，Ｋ先生眼尾突然「Sou」到有物體在移動！望過去，發現池裡面嘅水滿到流梗出黎！Ｋ先生即刻用0.5秒嘅速度拎起個電話、公事包同埋西裝褸，一野跳咗起身！但水實在來得太急，係Ｋ先生跳起O固一刻，池水已經殺到，實在走避不及．．．
回頭一望，只係幾秒之間，整個噴水池已經充滿水（呢句好廢）．．．原來Ｋ先生剛才坐的位置是有水流的一部分，而腳下的坑渠才是噴水池的盡頭，Ｋ先生以為已逃過一劫，正為自己迅速的反應而沾沾自喜的時候，突然身體一寒，原來半邊PAT PAT已經中招．．．OMG。Ｋ先生望望四周，好在當時正直下午，街上人煙希少，似乎還沒有人看到當時尷尬的場面。
最後，Ｋ先生收拾行裝，準備離開的時候，突然發現好像遺忘了什麼，他回頭一看，只見剛才坐在Ｋ先生付近的女人，正用力地將上身衣服拉低，好像想遮掩下身什麼似的，而且眼神閃縮，好像很尷尬似，好奇的Ｋ先生一邊看一邊走到這女人背面，心想或許會發現有趣的事情，果然他找到了！那就是PAT PAT上跟Ｋ先生一樣的圖案．．．不同的是，這女人穿的是牛仔裙，濕水後．．．非常明顯．．．（完）
當行左一陣，Ｋ先生見有Ｄ攰，諗住搵個地方坐低休息下，點知行咗好耐都搵唔到地方，終於俾佢係一個商場門口見到個噴水池可以暫時落腳。呢個噴水池真係奇怪，雖然冇水噴出黎，但池低仲有少少水，Ｋ先生以為呢個噴水池未起好，而且見隔離有個女人坐咗係到睇報紙，覺得唔會有咩問題，於是就坐低咗啦！（有不祥之兆．．．）
坐低嘅時候覺得奇怪，點解圍住池邊有條咁闊嘅坑渠嘅，好似預咗會好多水咁，而且坑渠入面仲有少少水流，當時又冇落雨，正常坑渠入面應該唔會有水流，FINE，Ｋ先生覺得有冇水流都唔關佢事。（事後先知原來有太多疑點叫Ｋ先生唔好坐係o固到．．．）
過咗一陣，當Ｋ先生好專心咁玩電話嘅時候，突然聽到噴水也發出"BOO”一聲，Ｋ先生回頭一望，原來呢個噴水池係會噴水！不過只係噴到好低，Ｋ先生仲好「醒目」咁坐開少少，心諗就算佢點噴都冇可能噴到落佢到啦，咁Ｋ先生就繼續禁電話啦。
正當集中精神望住個電話嘅時候，Ｋ先生眼尾突然「Sou」到有物體在移動！望過去，發現池裡面嘅水滿到流梗出黎！Ｋ先生即刻用0.5秒嘅速度拎起個電話、公事包同埋西裝褸，一野跳咗起身！但水實在來得太急，係Ｋ先生跳起O固一刻，池水已經殺到，實在走避不及．．．
回頭一望，只係幾秒之間，整個噴水池已經充滿水（呢句好廢）．．．原來Ｋ先生剛才坐的位置是有水流的一部分，而腳下的坑渠才是噴水池的盡頭，Ｋ先生以為已逃過一劫，正為自己迅速的反應而沾沾自喜的時候，突然身體一寒，原來半邊PAT PAT已經中招．．．OMG。Ｋ先生望望四周，好在當時正直下午，街上人煙希少，似乎還沒有人看到當時尷尬的場面。
最後，Ｋ先生收拾行裝，準備離開的時候，突然發現好像遺忘了什麼，他回頭一看，只見剛才坐在Ｋ先生付近的女人，正用力地將上身衣服拉低，好像想遮掩下身什麼似的，而且眼神閃縮，好像很尷尬似，好奇的Ｋ先生一邊看一邊走到這女人背面，心想或許會發現有趣的事情，果然他找到了！那就是PAT PAT上跟Ｋ先生一樣的圖案．．．不同的是，這女人穿的是牛仔裙，濕水後．．．非常明顯．．．（完）
Monday, October 29, 2007
信用卡攞著數
幾經辛苦終於搞掂張東亞信用卡，迎新禮物成功到手yeah！
初時申請呢張卡時，同事認為要$7,200簽賬先可以換取呢部MP3唔值，因為用同樣簽賬可以係HSBC換ipod nano（優惠已完結）。因為舊o固部只係得256mb，仲要入電芯，成日要叉電好麻煩，所以好想要部新MP3，所以就快定申請啦！
跟機的headphone幾好（雖然個樣怪咗ｄ），隔音唔曾，部機仲有function加唔同effect，音效得到一定程度改善，而且有Equalizer，可以手動調效，好似我鍾意base重ｄ，高音比中音多少少，可以效到鍾意為止！正！
其實近年，我對於用真金白銀買數碼產品都會三思而後行，因為小弟是個喜歡攞著數嘅人，所以經常搜羅唔到信用卡的迎新禮物，遇有自己需要的產品，如發現「市場」上有相關禮品，都會先盤算所需簽賬及自己budget，一般黎講，千零蚊嘅產品大概需要在開卡三個月內完成$7,000的簽賬。小弟平均一個月開支三千幾，大概只有2/3可以用credit card找數，三個月$7,000看似很難，但如果計及同朋友人食飯埋單條數，三個月簽過萬也不難！關鍵在於你的朋友是否需要迎新簽賬！不過以小弟的觀察，大部分人都不會在乎這些食飯的細數，所以經常可以將條數手到拿來！
還有一點要注意，現有卡主不能享有迎新禮物優惠，申請新卡時會檢查申請人有沒有在過去半年持有該公司的卡（過冷河），而過冷河的長短depends on每張銀行的Terms，所以建議迎新禮物到手後，盡快cut咗張卡！哈！銀行也不是傻的，個個都係咁攞著數仲有錢賺嘅！申請書上寫明開卡一年內不可以cut卡，否則要俾手續費（時間長短depends）！
為咗攞盡著數，最理想的情況是出卡一年後cut卡，再等半年至一年過冷河，再從新申請一張新卡（當然，最好配合當然所需禮品），可以再次獲取迎新禮品！如以上述情況計算，每間銀行每張卡的週期為兩年，一般卡迎新禮品簽賬限期為三個月，所以二年一共需要８張卡來填滿，如此一來，二年後手頭上的卡張會完成一次turnover，可以繼續下一個cycle！最ideal嘅case係每三個月有一件價值數百至千餘元的禮品。要找8間發卡行實在不難，有些銀行的過冷河期更短，所以以上情況應該可行！
當然，某ｄ卡有其「持有」價值，好似HSBC出名食店優惠多，恆生去唱ｋ有折，東亞去UA買飛有折，大新用八達通自動增值有折，AIG、Manhattan（渣打）可以預訂concert門券．．．等，視乎閣下需要。
以上只是理論，實行時仍有很多要注意的地方，以下有少許tips：
1. 了解自己的駛錢pattern，例如著重食飯睇戲還是消費品，運用經常性開支，如吃喝玩樂、交通，預計未來三個月至半年的非經常性開支，如換電話、電器，報course，再安排適當的開支來填滿現有新卡。記住，任何一個開支都係攞禮物的武器！
2. 從今日起要有個好嘅practice，就係新卡到手後，查一查effective date，用自己方法記住，方便計三個月迎新簽賬限期及一年後cut卡之用！
3. 準時交卡數，不要信銀行什麼最低還款低息優惠，少數怕長計（除非你認為遲還的錢可以做到比貸款利率更高的回報）。
4. 亦係最重要的一點：唔好為左簽賬而帶來不必要的消費，即係本末倒置，明明想攞著數，調番轉駛多咗錢，這是迎新禮品的陷阱，小心！
只要小心用錢就可以碌得開心，碌得放心！
初時申請呢張卡時，同事認為要$7,200簽賬先可以換取呢部MP3唔值，因為用同樣簽賬可以係HSBC換ipod nano（優惠已完結）。因為舊o固部只係得256mb，仲要入電芯，成日要叉電好麻煩，所以好想要部新MP3，所以就快定申請啦！
跟機的headphone幾好（雖然個樣怪咗ｄ），隔音唔曾，部機仲有function加唔同effect，音效得到一定程度改善，而且有Equalizer，可以手動調效，好似我鍾意base重ｄ，高音比中音多少少，可以效到鍾意為止！正！
其實近年，我對於用真金白銀買數碼產品都會三思而後行，因為小弟是個喜歡攞著數嘅人，所以經常搜羅唔到信用卡的迎新禮物，遇有自己需要的產品，如發現「市場」上有相關禮品，都會先盤算所需簽賬及自己budget，一般黎講，千零蚊嘅產品大概需要在開卡三個月內完成$7,000的簽賬。小弟平均一個月開支三千幾，大概只有2/3可以用credit card找數，三個月$7,000看似很難，但如果計及同朋友人食飯埋單條數，三個月簽過萬也不難！關鍵在於你的朋友是否需要迎新簽賬！不過以小弟的觀察，大部分人都不會在乎這些食飯的細數，所以經常可以將條數手到拿來！
還有一點要注意，現有卡主不能享有迎新禮物優惠，申請新卡時會檢查申請人有沒有在過去半年持有該公司的卡（過冷河），而過冷河的長短depends on每張銀行的Terms，所以建議迎新禮物到手後，盡快cut咗張卡！哈！銀行也不是傻的，個個都係咁攞著數仲有錢賺嘅！申請書上寫明開卡一年內不可以cut卡，否則要俾手續費（時間長短depends）！
為咗攞盡著數，最理想的情況是出卡一年後cut卡，再等半年至一年過冷河，再從新申請一張新卡（當然，最好配合當然所需禮品），可以再次獲取迎新禮品！如以上述情況計算，每間銀行每張卡的週期為兩年，一般卡迎新禮品簽賬限期為三個月，所以二年一共需要８張卡來填滿，如此一來，二年後手頭上的卡張會完成一次turnover，可以繼續下一個cycle！最ideal嘅case係每三個月有一件價值數百至千餘元的禮品。要找8間發卡行實在不難，有些銀行的過冷河期更短，所以以上情況應該可行！
當然，某ｄ卡有其「持有」價值，好似HSBC出名食店優惠多，恆生去唱ｋ有折，東亞去UA買飛有折，大新用八達通自動增值有折，AIG、Manhattan（渣打）可以預訂concert門券．．．等，視乎閣下需要。
以上只是理論，實行時仍有很多要注意的地方，以下有少許tips：
1. 了解自己的駛錢pattern，例如著重食飯睇戲還是消費品，運用經常性開支，如吃喝玩樂、交通，預計未來三個月至半年的非經常性開支，如換電話、電器，報course，再安排適當的開支來填滿現有新卡。記住，任何一個開支都係攞禮物的武器！
2. 從今日起要有個好嘅practice，就係新卡到手後，查一查effective date，用自己方法記住，方便計三個月迎新簽賬限期及一年後cut卡之用！
3. 準時交卡數，不要信銀行什麼最低還款低息優惠，少數怕長計（除非你認為遲還的錢可以做到比貸款利率更高的回報）。
4. 亦係最重要的一點：唔好為左簽賬而帶來不必要的消費，即係本末倒置，明明想攞著數，調番轉駛多咗錢，這是迎新禮品的陷阱，小心！
只要小心用錢就可以碌得開心，碌得放心！
Thursday, October 25, 2007
全民皆股
咩叫全民皆股？
- 經過銀行證券部，以為自己去左賭場；
- 出街食飯時，總有人問「有冇抽呀？抽幾多呀？」；
- 勞當當裡面，你會聽到C奶討論次按係乜；
- 大家樂裡面，有個叔叔同你講下年係奧運，股票有排升；
- 你隨街問一個人買咩股好，佢可以俾到十幾個number俾你，但佢未必知道間公司叫咩名；
- 你未必需要自己查下你隻股而家幾多錢，因為你撘車、食飯、行街、等lift．．．既時候，你會聽到隔離講「今日隻xxx升到xxx啦」，自動幫你報價；
- 你任何一個朋友都會有內幕消息同你分享，叫你快ｄ買；
- 任何時候都有人討論戰績，又話自己賺咗幾多幾多，叫你一齊買，唔好執輸；
- 100倍PE係正常；
- IPO升唔夠30%都當冇升過；
- 會有愈來愈多股神出現，包括亞洲股神，香港股神，少年股神，學生股神，小童股神，Dee Dee股神，甚至．．．BB股神。但請你記住，股神只有一個，他叫Warrant Buffet。
Saturday, October 20, 2007
IPO檢討
最新的IPO熱可算是暫時完結，經過幾天的大上大落，這批新股的價錢差不多穩定下來，不如做一個IPO檢討，睇下各股成績，順便佈署第四季的IPO浪。
IPO成績表：
總括來說，賺得最多係新鑫，頭一日已升近1.2倍，打破半年前的中國高速傳動(658)成為首日升幅最大的新股。之後幾日繼續尋頂，最新報14.62，升124%，每手脹面勁賺$8,120！一手中籤率10%，好過買六合彩。
傳統黎講，超額愈大上市後升幅愈大，但這只限於上市首一兩天，有不少得到巨大超額的新股，上市前暗盤升得相當高，但上市後卻一路走下坡，上季的中信1616(1883)就是一個例子。今次IPO浪之中，群星(3868)有相似的情況，市值不算太大(68億)，帶來超高的超額倍數(858倍)，雖然首日升60%，可惜高價不能維持長久，當投資者理性戰勝抗奮後，慢慢變現實的價值，至昨日只升22.6%，遇著這類型IPO真係走得快好世界（當然長線投資另當別論）。
雖然超額倍數只能預測首日升幅，但有一點肯定，超額少過100倍的新股，潛水機會相當高，大成食品、大成糖業就是例子，連獲李兆基、李嘉誠、中國人壽(2628)入股的波司登也潛水收場，可見富豪效應未必適用於所有新股。還有一隻超額只有99倍的金山(3888)，升幅近竟然有4成，令一眾投資人跌眼鏡，是公眾低估了金山網絡遊戲概念，還是有人為下星期的另一科網阿里巴巴鋪路？
今次IPO浪包括三隻地產股，遠洋和奧園都升幅都不錯，比較之下SOHO的走勢較為遜色，其實兩隻地產股的市值也不細，應該會企得幾硬，看遠一點也可以。
還有恆鼎(1393)，升到飛天，坦白講，對佢冇乜信心，雖說煤價最近升了，但對該公司盈利真的有如此大的憧憬？根據招股書，2006 PE為190倍！2007盈利預測為460M，以總數2B股計算，2007預測市盈率為61.82倍！以PEG作分析，要以每年1.9倍盈利增長，現價才算合理！抵唔抵買心中有數。老實講，硬要買煤炭股，市場上還有其他更好的選擇，我寧願揀神華(1088)，話晒都係中國第一。
結論：要係今次招股周裡賺錢唔難，但要賺大錢就較難，買錯股也有潛水的可能。對於新股的分析都離不開以下幾點：
1. 愈大愈穩陣
2. 跟富豪入股(雖然波司登打破呢個傳統)
3. 資源股依舊好炒(新鑫、恆鼎)
4. 盡快沽出嚴重超額新股(群星)
IPO成績表：
總括來說，賺得最多係新鑫，頭一日已升近1.2倍，打破半年前的中國高速傳動(658)成為首日升幅最大的新股。之後幾日繼續尋頂，最新報14.62，升124%，每手脹面勁賺$8,120！一手中籤率10%，好過買六合彩。
傳統黎講，超額愈大上市後升幅愈大，但這只限於上市首一兩天，有不少得到巨大超額的新股，上市前暗盤升得相當高，但上市後卻一路走下坡，上季的中信1616(1883)就是一個例子。今次IPO浪之中，群星(3868)有相似的情況，市值不算太大(68億)，帶來超高的超額倍數(858倍)，雖然首日升60%，可惜高價不能維持長久，當投資者理性戰勝抗奮後，慢慢變現實的價值，至昨日只升22.6%，遇著這類型IPO真係走得快好世界（當然長線投資另當別論）。
雖然超額倍數只能預測首日升幅，但有一點肯定，超額少過100倍的新股，潛水機會相當高，大成食品、大成糖業就是例子，連獲李兆基、李嘉誠、中國人壽(2628)入股的波司登也潛水收場，可見富豪效應未必適用於所有新股。還有一隻超額只有99倍的金山(3888)，升幅近竟然有4成，令一眾投資人跌眼鏡，是公眾低估了金山網絡遊戲概念，還是有人為下星期的另一科網阿里巴巴鋪路？
今次IPO浪包括三隻地產股，遠洋和奧園都升幅都不錯，比較之下SOHO的走勢較為遜色，其實兩隻地產股的市值也不細，應該會企得幾硬，看遠一點也可以。
還有恆鼎(1393)，升到飛天，坦白講，對佢冇乜信心，雖說煤價最近升了，但對該公司盈利真的有如此大的憧憬？根據招股書，2006 PE為190倍！2007盈利預測為460M，以總數2B股計算，2007預測市盈率為61.82倍！以PEG作分析，要以每年1.9倍盈利增長，現價才算合理！抵唔抵買心中有數。老實講，硬要買煤炭股，市場上還有其他更好的選擇，我寧願揀神華(1088)，話晒都係中國第一。
結論：要係今次招股周裡賺錢唔難，但要賺大錢就較難，買錯股也有潛水的可能。對於新股的分析都離不開以下幾點：
1. 愈大愈穩陣
2. 跟富豪入股(雖然波司登打破呢個傳統)
3. 資源股依舊好炒(新鑫、恆鼎)
4. 盡快沽出嚴重超額新股(群星)
Subscribe to:
Posts (Atom)